by Osland | Feb 6, 2025 | Aktuelt
I desember 2024 stod sushi av Osland-aure på menyen då Magnus Carlsen vann gull under finalen i Champion Chess Tour 2024 i Oslo.
I den internasjonale finalen møttest dei aller beste, inkludert Noregs eigen Magnus Carlsen, og turneringa nådde eit stort publikum både her heime og ute i verda. Turneringa vart arrangert av Chess.com, den største sjakkplattforma globalt, med over 180 millionar registrerte brukarar.
Sushi frå Sognefjorden
– Aure har ein nydeleg tekstur og smak som høver perfekt til sushi, forklarer susihikokken frå SushiTake til TV2.
Fisken kom rett frå Sognefjorden, vart filetert lokalt før sushikokkane frå SushiTake tilberedte og serverte den til sjakkeliten i Oslo.
Sendt på TV2
Sverre Krogh Sundby i samtale med sushikokken frå SushiTake framfor eit bugnande bord med godsaker.
Adress
Osland Brygge
Sørsidevegen 2966
5962 BJORDAL
NORWAY
post@osland.no
Osland AS
føretaksregisteret: 921968175 MVA
Osland Seafood AS
føretaksregisteret: 920002218 MVA
Osland Havbruk AS
føretaksregisteret: 917786585 MVA
Osland Settefisk AS
føretaksregisteret: 997550641 MVA
Osland Genetics AS
føretaksregisteret: 898844412 MVA
Osland Genetics Leikanger AS
føretaksregisteret: 934958608 MVA
Osland Origin AS and affiliated companies operate in accordance with the Transparency Act.
by Osland | Dec 16, 2024 | Aktuelt
Premium aure frå Osland er hovudingrediensen når to erfarne sushikokkar frå SushiTake serverer delikatesser live i studio under Champions Chess Tour-finalen i Oslo 17.–21. desember.
Magnus Carlsen
I den internasjonale finalen møtest dei aller beste, inkludert Noregs eigen Magnus Carlsen, og turneringa når eit stort publikum både her heime og ute i verda. Turneringa arrangerast av Chess.com, den største sjakkplattforma globalt, med over 180 millionar registrerte brukarar.
Magnus Carlsen og 7 andre finalistar deltek i Champions Chess Tour Finalen 2024 i Oslo. Foto: chess.com
Sushi frå Sognefjorden
– Aure har ein nydeleg tekstur og smak som høver perfekt til sushi, forklarer salssjef Johnny Kalstad hos Osland. Fisken kjem rett frå Sognefjorden og vert filetert lokalt før sushikokkane frå SushiTake tilbereder og serverer den til sjakkeliten i Oslo. Kalstad håpar at smaken av Sognefjorden vil slå an hos både spelarane og publikum, og kanskje tilføre ein frisk, norsk vri på det prestisjetunge arrangementet.
Sjå finalen på TV
Champions Chess Tour består av fire nettbaserte turneringar gjennom året, med den store, fysiske finalen i Oslo no i desember. Sendinga kan du følge på chess.com og på TV2.
Champions Chess Tour finale Oslo 2024 – chess.com
.
by Osland | Nov 6, 2024 | Aktuelt
For andre månad på rad ligg kiloprisen på aure over kiloprisen på laks. Hos Osland Havbruk som satsar på aure gir tala grunn til optimisme.
– Det er svært gledeleg å sjå at kundane har fått auga opp for at aure er ein utruleg smakfull og næringsrik fisk, seier salssjef Johnny Kalstad i Osland Havbruk AS. – Vi får gode tilbakemeldingar frå kundane våre rundt i verda. Vi ser no at marknaden gir oss utteljing for å stabilt levere eit smakfullt kvalitetsprodukt året rundt, 52 veker i året.
Osland Havbruk satsar målbevisst på aure og utviklar to av tre aurestammar i Noreg gjennom avlsselskapet Osland Genetics.
Vekst i volum og verdi for aure oktober 2024
- Noreg eksporterte 7 111 tonn aure
- Verdien på dette var 620 millioner kroner
- Verdien auka med 74 millioner kroner, eller 13 prosent, samanlikna med same månad i fjor
- Det er ein vekst i volum på 18 prosent
- Litauen, USA og Thailand var dei største marknadene
Meir informasjon
by Osland | Apr 21, 2022 | Aktuelt, Osland Genetics, Osland Havbruk, Osland Settefisk, Team Osland
Osland styrker eiga satsing med å reindyrke eigen aurestamme
– Vi går tilbake til røtene våre, seier daglig leiar Erik Osland om at Osland no skal satse på aure aleine. Gjennom avlsarbeidet vårt har vi to aurestammer og svært god kunnskap om aure. Det er denne rogna vi no skal ta vidare gjennom heile produksjonen til mat.
Regnbogeaure
Det var regnbogeaure det starta med for snart 60 år sidan, og det er naturleg å satsa vidare på dette inn i framtida. Prosessen er alt i gong med å legge om produksjon frå laks til aure i alle ledd. Dette er ei endring som går gradvis og det vil framleis bli produsert laks ei stund til.
Ved å satse målretta på aure kan Osland jobbe for å bli gode og bli den leverandøren andre går til for aure. Dei blir stabile i marknaden og kan levere jamt veke etter veke i stadan for å veksle mellom aure og laks slik som i dag.
Kvalitet i alle ledd
Selskapet seier dei skal videreutvikle og heve den globale akvakulturnæringen, gjennom å bidra med kunnskap, avl, genetikk og teknologi. Målet er å anerkjenne den norske auren, både nasjonalt og internasjonalt.
Ny merkevare
Som ledd i strategien vart ny merkevare lansert for dei tilsette onsdag kveld. Osland skal no framstå som meir heilheitleg utad med felles logo og visuell profil for alle selskap. Heile vegen i «breed to feed».
Samtidig skal avlsselskapet Osland Stamfisk AS i løpet av sommaren skifte namn til Osland Genetics AS. – Vi er kanskje ikkje så store, men vi tenker stort. Marknaden vår er internasjonal så vi må heile tida utvikle oss for å følge med. Aure er ein robust, flott fisk og ikkje minst knakande god avsluttar Osland.
by Osland | Sep 25, 2020 | Aktuelt, Osland Genetics, Osland Havbruk, Osland Settefisk
Osland Havbruk: resultat på 88,31 mill. kr
Osland Havbruk AS rapporterer sitt driftsresultat på 88,31 mill. kr og 70,65 mill. kr etter skatt. Omsetninga til selskapet var 421,1 mill. kr.
- Resultatet for 2019 er eit resultat av god drift, kontroll på produksjonen og lite svinn.
- Gode førebyggande tiltak som har resultert i færre behandlingar mot lus. Lokalitetar som berre har vore gjennom 1-2 avlusingar på ein generasjon
- Vi er ein solid gjeng med tilsette som alle arbeider for felles mål.
- Gode samarbeid gjennom samdrift og nettverk som Salmon Group og Godfisken.
- Selskapet investerer i betre produksjonsfasilitetar som skal bidra til å sikre drift
Osland Havbruk sine dotterselskap er i god utvikling.
Osland Settefisk: ny hall viser att i rekneskapen
Kjetil Rørtveit og Erik Osland
Osland Settefisk AS rapporter sitt driftsresultat på 5,35 mill. kr med ordinært resultat på 522 801. Omsetninga til selskapet var 65,55 mill. kr. Selskapet har i 2019 ferdigstilt nytt produksjonsanlegg.
Osland Settefisk driv godt og kan no skreddarsy ein settefisk etter havbruket sine ynskje. Resultatet er prega av auka utgifter og store avskrivingar på det nye anlegget, og det vil ta nokon år før vi er i full produksjon
Osland Stamfisk: satsing på avl
Osland Stamfisk AS rapporterer sitt driftsresultat på -7,56 mill. kr, og -8,2 mill. kr etter skatt. Omsetninga til selskapet var 150,29 mill. kr. Selskapet er i oppbygging og har i heilhet overtatt utvikling av avlsmateriale for Osland konsernet.
Osland Stamfisk sitt resultat er prega av at vi er i ein oppbyggingsfase, der vi først om nokon år vil oppnå gode resultat når vi har fått bygd opp vår eigen avlskjerne. Selskapet overtok Ilsvåg-materiale ved utgangen av 2019, og skal utvikle avl på aure vidare med et solid utgangspunkt.
by Osland | Aug 2, 2020 | Aktuelt, Osland Settefisk, Team Osland
Vilde Hagen Myrmel takkar for seg etter å ha jobba på Sygna dei siste 7 somrane.
Vilde, som er fødd og oppvaksen på Leikanger, byrja å jobbe på Sygna sommaren 2014, og har trivst så godt at ho har vore der alle somrane fram til no.
– Det er eit veldig triveleg arbeidsmiljø her på Sygna, med kjekke kollegaar som kjenner kvarandre godt. Også er det mykje variert og fysisk arbeid som eg er glad i, seier ho.
I tillegg til å ha brukt mykje av somrane sine her, valde Vilde å jobbe på Sygna det første året etter vidaregåande også. Har dei trengt hjelp i feriar eller ved spesielle behov, slik som i vår, stiller ho sjølvsagt gjerne opp. Ho tykkjer denne arbeidserfaringa har vore veldig lærerik.
– Eg kunne jo ingenting når eg begynte, så eg har jo lært alt her. Oppdrett er jo noko ikkje så mange veit så mykje om, vertfall i min omgangskrets. Så det er litt kjekt å lære om det, for det er jo ein stor bransje, fortel ho.
24-åringen har budd og studert i Bergen dei siste fire åra, i vår leverte ho ein bachelor i sosialt arbeid og er no ferdig utdanna sosionom. Ho byrjar i jobb allereie 3.august på NAV Årstad i Bergen, og gler seg svært mykje til nye utfordringar, men innrømmer at Sygna kjem til å bli sårt sakna.
– Eg sakna det jo alltid litt når eg ikkje er her. Viss eg klarte å komme meg heim igjen til Leikanger på ein torsdag i studietida, så kunne eg fort stikke ned til anlegget å ta ei vaffel og ein kaffi på fredagen, ler ho.
Team Osland takkar Vilde for innsatsen ho har bidrege med på Sygna og ønskjer ho lykke til vidare i hennar nye jobb.
Tekst: Hanna Rørtveit
