by Osland | Sep 4, 2024 | Ledig stilling, Osland Genetics, Team Osland
Osland søker etter helgevikarar
På jakt etter helgejobb eller ekstrajobb? Vi treng ekstrahjelp som driftsoperatør i helgar og som tilkalling framover. Bli med og bygge opp lokaliteten vår på Skigelstrand.
Bli med og forme verdas beste regnbogeaure!
Som driftsoperatør hos Osland Genetics vil du vere med på å produsere stamfisk og rogn av regnbogeaure basert på våre eigne stammer, Ilsvåg-stamma og Osland-stamma. Begge stammene utviklast gjennom eit familiebasert avlsprogram i samarbeid med NOFIMA. Regnbogeauren vår er raskt veksande, robust og ettertrakta som slaktefisk. Hos oss får du kjennskap med fisken i heile livssyklusen frå rogn til rogn. i Skigelstrand i Vindafjord kommune.
Arbeidsoppgåver
- Drift og vedlikehald av sjølokalitetane samt fartøy
- Overvaking og rapportering
- Ettersyn av fisk og anlegg
- Forbetringsarbeid på anlegget
- Rapportering av produksjonsdata og registrering/oppfølging av avvik
- Delta i ulike driftsoperasjonar gjennom produksjonssyklusen
- Ta aktiv del i kvalitetsarbeid, Internkontroll og HMS-arbeid
Kvalifikasjonar
- Teknisk interesse og forståing
- Fordel om du er båt-kyndig med praktisk erfaring
- Evne til å arbeide sjølvstendig og i team
- Beherske norsk som arbeidsspråk munnleg og skriftleg
- Fagbrev er eit pluss men ikkje krav
- Søkarar med mekanisk- og elektrokompetanse blir oppmoda om å søke
Vi tilbyr
- fast stilling som helgevikar, mogleg med ekstra tilkalling
- Gode moglegheiter for personleg og fagleg utvikling
- Moglegheit for skift/ turnus
- Konkurransedyktige betingelsar
- Gode forsikrings- og pensjonsordningar
- Triveleg arbeidsmiljø og dyktige medarbeidarar
Kontakt
Søknadsfrist: snarast, søknader blir vurdert fortløpande
Send søknad og CV til jobb@osland.no
VELKOMMEN TIL TEAM OSLAND!
Form the origin. Innovasjon, arv og framtida, alt startar på same stad, opphavet. I eit enkelt, lite rognkorn er standarden for havbruket sett.
Osland har sidan 1963 utvikla og bevart Noregs eldste stamme av regnbogeaure og arbeida for optimale vekstforhold for fisk, rogn og smolt
Våre tilsette i Osland Havbruk AS, Osland Genetics AS og Osland Settefisk AS utgjer Team Osland. Til saman har om lag 60 fagfolk med ulik kompetanse og ulike arbeidsoppgåver arbeidsplassen sin her. Nokre har høgare utdanning mens andre er praktikarar med tiår med erfaring. Det er samansetninga av kompetansen til desse som dannar grunnlaget for arbeidet utført. Det er dette teamet som utgjer Osland.
by Osland | Jul 10, 2024 | Ledig stilling, Osland Genetics, Team Osland
Osland søker etter driftsoperatør som vil vere med og forme verdas beste regnbogeaure!
Som driftsoperatør hos Osland Genetics vil du vere med på å produsere stamfisk og rogn av regnbogeaure basert på våre eigne stammer, Ilsvåg-stamma og Osland-stamma. Begge stammene utviklast gjennom eit familiebasert avlsprogram i samarbeid med NOFIMA. Regnbogeauren vår er raskt veksande, robust og ettertrakta som slaktefisk. Hos oss får du kjennskap med fisken i heile livssyklusen frå rogn til rogn.
Form the origin. Innovasjon, arv og framtida, alt startar på same stad, opphavet. I eit enkelt, lite rognkorn er standarden for havbruket sett. Osland har sidan 1963 utvikla og bevart Noregs eldste stamme av regnbogeaure og arbeida for optimale vekstforhold for fisk, rogn og smolt
Arbeidsoppgåver
- Utveljing av stamfisk
- Produksjon av rogn
- Fôring og stell av fisk
- Dagleg vedlikehald
- Teknisk tilsyn
- Journalføring og rapportering
- Stillinga inngår i vaktordning
Vi tilbyr
- 100 % fast stilling i vakt/turnusordning
- Spennande arbeidskvardag i godt arbeidsmiljø
- Varierande arbeidsoppgåver
- Sikker arbeidsplass i framtidsretta bransje
- Konkurransedyktige betingelsar og gode pensjonsordningar
Managing Director Osland Genetics AS
Send søknad til thoralf@osland.no, merk med driftsoperatør genetics.
Søknadsfrist 28.juli 2024, Søknadane blir vurdert fortløpande
VELKOMMEN TIL TEAM OSLAND!
Våre tilsette i Osland Havbruk AS, Osland Genetics AS og Osland Settefisk AS utgjer Team Osland. Til saman har om lag 60 fagfolk med ulik kompetanse og ulike arbeidsoppgåver arbeidsplassen sin her. Nokre har høgare utdanning mens andre er praktikarar med tiår med erfaring. Det er samansetninga av kompetansen til desse som dannar grunnlaget for arbeidet utført. Det er dette teamet som utgjer Osland.
by Osland | Apr 21, 2022 | Aktuelt, Osland Genetics, Osland Havbruk, Osland Settefisk, Team Osland
Osland styrker eiga satsing med å reindyrke eigen aurestamme
– Vi går tilbake til røtene våre, seier daglig leiar Erik Osland om at Osland no skal satse på aure aleine. Gjennom avlsarbeidet vårt har vi to aurestammer og svært god kunnskap om aure. Det er denne rogna vi no skal ta vidare gjennom heile produksjonen til mat.
Regnbogeaure
Det var regnbogeaure det starta med for snart 60 år sidan, og det er naturleg å satsa vidare på dette inn i framtida. Prosessen er alt i gong med å legge om produksjon frå laks til aure i alle ledd. Dette er ei endring som går gradvis og det vil framleis bli produsert laks ei stund til.
Ved å satse målretta på aure kan Osland jobbe for å bli gode og bli den leverandøren andre går til for aure. Dei blir stabile i marknaden og kan levere jamt veke etter veke i stadan for å veksle mellom aure og laks slik som i dag.
Kvalitet i alle ledd
Selskapet seier dei skal videreutvikle og heve den globale akvakulturnæringen, gjennom å bidra med kunnskap, avl, genetikk og teknologi. Målet er å anerkjenne den norske auren, både nasjonalt og internasjonalt.
Ny merkevare
Som ledd i strategien vart ny merkevare lansert for dei tilsette onsdag kveld. Osland skal no framstå som meir heilheitleg utad med felles logo og visuell profil for alle selskap. Heile vegen i «breed to feed».
Samtidig skal avlsselskapet Osland Stamfisk AS i løpet av sommaren skifte namn til Osland Genetics AS. – Vi er kanskje ikkje så store, men vi tenker stort. Marknaden vår er internasjonal så vi må heile tida utvikle oss for å følge med. Aure er ein robust, flott fisk og ikkje minst knakande god avsluttar Osland.
by Osland | Sep 25, 2020 | Aktuelt, Osland Genetics, Osland Havbruk, Osland Settefisk
Osland Havbruk: resultat på 88,31 mill. kr
Osland Havbruk AS rapporterer sitt driftsresultat på 88,31 mill. kr og 70,65 mill. kr etter skatt. Omsetninga til selskapet var 421,1 mill. kr.
- Resultatet for 2019 er eit resultat av god drift, kontroll på produksjonen og lite svinn.
- Gode førebyggande tiltak som har resultert i færre behandlingar mot lus. Lokalitetar som berre har vore gjennom 1-2 avlusingar på ein generasjon
- Vi er ein solid gjeng med tilsette som alle arbeider for felles mål.
- Gode samarbeid gjennom samdrift og nettverk som Salmon Group og Godfisken.
- Selskapet investerer i betre produksjonsfasilitetar som skal bidra til å sikre drift
Osland Havbruk sine dotterselskap er i god utvikling.
Osland Settefisk: ny hall viser att i rekneskapen
Kjetil Rørtveit og Erik Osland
Osland Settefisk AS rapporter sitt driftsresultat på 5,35 mill. kr med ordinært resultat på 522 801. Omsetninga til selskapet var 65,55 mill. kr. Selskapet har i 2019 ferdigstilt nytt produksjonsanlegg.
Osland Settefisk driv godt og kan no skreddarsy ein settefisk etter havbruket sine ynskje. Resultatet er prega av auka utgifter og store avskrivingar på det nye anlegget, og det vil ta nokon år før vi er i full produksjon
Osland Stamfisk: satsing på avl
Osland Stamfisk AS rapporterer sitt driftsresultat på -7,56 mill. kr, og -8,2 mill. kr etter skatt. Omsetninga til selskapet var 150,29 mill. kr. Selskapet er i oppbygging og har i heilhet overtatt utvikling av avlsmateriale for Osland konsernet.
Osland Stamfisk sitt resultat er prega av at vi er i ein oppbyggingsfase, der vi først om nokon år vil oppnå gode resultat når vi har fått bygd opp vår eigen avlskjerne. Selskapet overtok Ilsvåg-materiale ved utgangen av 2019, og skal utvikle avl på aure vidare med et solid utgangspunkt.
by Osland | Jul 8, 2020 | Aktuelt, Osland Genetics
Osland Stamfisk AS og Ilsvåg Holding AS har i 4 år samarbeida godt om utvikling og avl av regnbogeaure. No overtek Osland Stamfisk Ilsvåg-stammen noko som synleggjer satsinga vår på avl og genetikk. Etter overtakinga sit Osland Stamfisk no med to avlslinjer som begge er med i familieavlsprogram leia av Nofima.
Ilsvåg skal halde fram med settefiskverksemd (produksjon av yngel, settefisk/aure/laks frå rognstadiet), som har vore Ilsvåg sin hovedbeskjeftigelse i alle år.
Hausten 2019 identifiserte forskarar hos Nofima ein QTL for IPN i Osland-stammen. Denne vert teken i bruk i marknaden frå 2021. Samstundes arbeider vi med og integrere QTL som verktøy også i Ilsvåg-stammen.
Osland Stamfisk satsar målretta på avl av regnbogeaure
Osland Stamfisk vil i framtida ha stamfisk både i PO2 og PO4. Vi testar og ut ny teknologi med å ha stamfisk i lukka merd i sjøen, og vi investerer for å kunne ha heile syklusen på land. Kombinasjon av tradisjonelle merder, lukka merder og produksjon på land er ei sikkerheit for at vi kan tilby kundane våre eit optimalt avlsmateriale i åra som kjem.
Gjennom ei målretta satsing har Osland bygt eit regionalt team rundt stamfisksatsinga. Med to aure-stammar å bygge vidare på skal vi tilby ein regnbogeaure som skal styrke kundane våre i Norge og utlandet.
Team Osland treng fleire driftsteknikarar >>
by Osland | Apr 2, 2019 | Aktuelt, Osland Genetics
Osland Stamfisk AS investerer no i den første hybride fôrflåten i Osland-konsernet. Løysinga er levert av Østerbø Maskin AS og Electro Automation Austevoll AS og går til Osland Stamfisk sitt anlegg på Skigelstrand, Rogaland.
– Hybrid er den beste løysinga der landstrøm ikkje er mogleg, seier driftsleiar Sverrir Valdemarsson i Osland Stamfisk AS, – Vi jobbar målretta med berekraftig matproduksjon, og det er derfor ein eksisterande flåte vi no oppgraderer til toppmoderne hybrid drift.
Sjølve monteringa på flåten skjer no i april, mens FAT og opplæring er gjennomført på Austevoll.
– Slik blir det mindre behov for service, lågare olje- og drivstoff-forbruk og mindre støy. I tillegg vil levetida på generatoren bli lenger sidan den no får «eit sunnare liv»,
Sals- og marknadssjef, Østerbø Maskin AS
Bilete: FAT og opplæring i testlokalet til Electro Automation Austevoll. Her var representantar frå Osland Stamfisk, Electro Automation Austevoll og Østerbø Maskin tilstades.Frå venstre: Gunnar Gryte, Daniel Tveit Haugland, Jan Erik Søreide, Øyvind Berntsen og Sigve Gokstad
Generator + «Batterator»
Østerbø Maskin AS er leiande på strømaggregat og Electro Automation Austevoll AS har utvikla batteripakken «Batterator». Saman har dei solid erfaring frå havbruksnæringa og når dei no slår hovuda sine saman blir resultatet ei optimal løysing for hybrid drift av fôrflåtar.
– Vi jobbar målretta med berekraftig matproduksjon, og det er derfor ein eksisterande flåte vi no oppgraderer til toppmoderne hybrid drift,
Driftsleiar, Osland Stamfisk AS
Mange fordelar med hybrid fôrflåte
Til vanleg utnyttar eit flåteaggregat gjerne berre 15-20% av effekten fordi det må vere dimensjonert for å takle dei store toppane i eit forbruk med stor døgnvariasjon. Ved å kombinere generatoren med «Batterator» vil den no gå med optimal last når det er i gong. Generatoren vil forsyne flåten med det den treng og samtidig bruke overskotet til å lade «Batterator». Når batteria er fullada vil dei forsyne flåten og generatoren slåast av. Dette fungerer saumlaust og automatisk og gir optimal drift, døgnet rundt, heile året.
– Slik blir det mindre behov for service, lågare olje- og drivstoff-forbruk og mindre støy. I tillegg vil levetida på generatoren bli lenger sidan den no får «eit sunnare liv», seier Jan Erik Søreide hos Østerbø Maskin AS. – Så denne løysinga er faktisk vinn-vinn for både miljø og økonomi på sikt.
Fokus på tryggleik
Electro Automation Austevoll er svært nøgd med leveranse av «Batterator» til Osland, og leverer her eit batterisystem som er dimensjonert tilsvarande størrelsen på generatoren. Batteria som blir nytta er DNV godkjente for bruk i fartøy. Dei er blant dei tryggaste batteria på marknaden og innehar ein batterikjemi utan tungmetallet kobolt.
