by Osland | Dec 12, 2024 | Aktuelt, Ledig stilling, Osland Havbruk
Osland søker etter driftsleiar som vil vere med og forme verdas beste regnbogeaure!
Form the origin. Innovasjon, arv og framtida, alt startar på same stad, opphavet. I eit enkelt, lite rognkorn er standarden for havbruket sett. Osland har sidan 1963 utvikla og bevart Noregs eldste stamme av regnbogeaure og arbeida for optimale vekstforhold for fisk, rogn og smolt.
Vi søker no etter driftsleiar ytre som skal drifte lokalitetane på Sørevik og Torvund i Sognefjorden.
Arbeidsoppgåver
- Sikre god drift på lokalitetar i området inkl. båt og utstyr
- Journalføring og oppfølging av dagleg drift
- Opplæring og organisering av tilsette og vikarar
- Følge opp innkjøp og svare for budsjett
- Sikre at HMS-rutiner vert følgde
- Følgje opp i prosedyrar, risikovurderingar, retningslinjer og avvik handtering
- Følgje opp vedlikehald på flåte, aggregat, fôringsanlegg
- Vere ein god rollemodell, bygge kultur og vinnarlag
- Følgje opp og rapportere på lokalitetsmålsettingar og anna driftsrapportering
- Planlegge notskift, spyling, avlusing osv.
- Revisjon, sette seg inn i akvakulturforskrifta og Nytek etc.
- Deltar i leiargruppe sjø
Kvalifikasjonar
- Leiarerfaring er ein fordel
- Erfaring frå arbeid på sjø
- Evne til å arbeide sjølvstendig og i team
- Beherske norsk som arbeidsspråk munnleg og skriftleg
- Fagbrev eller høgare utdanning innan havbruk
Vi tilbyr
- 100 % fast stilling
- Gode moglegheiter for personleg og fagleg utvikling
- Konkurransedyktige betingelsar
- Gode forsikrings- og pensjonsordningar
- Triveleg arbeidsmiljø og dyktige medarbeidarar
- Bedriftshytter og andre gode velferdstilbod
VELKOMMEN TIL TEAM OSLAND!
Osland-konsernet er et av landets eldste akvakulturselskap og har hovudkontor i Bjordal, ved Sognefjorden. Vi har 67 tilsette og ei årleg omsetning på omlag 700 millionar kroner. Konsernet består av matfiskprodusenten Osland Havbruk AS, genetikkselskapet Osland Genetics AS og settefiskprodusenten Osland Settefisk AS. Saman utgjer dette ei heilskapleg verdikjede for Osland-auren.
Osland AS
føretaksregisteret: 921968175 MVA
Osland Seafood AS
føretaksregisteret: 920002218 MVA
Osland Havbruk AS
føretaksregisteret: 917786585 MVA
Osland Settefisk AS
føretaksregisteret: 997550641 MVA
Osland Genetics AS
føretaksregisteret: 898844412 MVA
by Osland | Jun 17, 2022 | Osland Havbruk
Marte Sleire Hatlevik (31) er ansatt som daglig leder i Osland Havbruk AS i Bjordal, Høyanger kommune, mens avtroppende daglig leder og eier, Erik Osland, fortsetter som leder av konsernet.
– Hatlevik kommer fra rollen som CFO og har siden 2019 hatt ansvar for økonomi, administrasjon og HR i selskapet. Eieren har ønske om å bruke mer tid på utvikling av alle selskapene i konsernet og på rammebetingelsene for disse, sier Johan Magerøy, styreleder i Osland Havbruk AS.
Intern ansettelse
Hatlevik er utdannet siviløkonom fra Universitetet i Tromsø og avla eksamen ved fakultetet for biovitenskap, fiskeri og økonomi i 2014. Hun har arbeidet med struktur og ledelse i Osland de siste årene, og organisasjonen kjenner henne godt.
– Jeg gleder meg til å ta fatt på denne spennende og store jobben sammen med hele Team Osland. Vi har mange muligheter fremover, spesielt knyttet til det omfattende programmet for omlegging til ren ørretproduksjon. Vi skal arbeide med vår nye merkevarestrategi og gjøre omverdenen kjent med vår Osland-ørret.
Osland Havbruk AS er morselskap i et underkonsern som også omfatter selskapene Osland Genetics AS (tidligere Osland Stamfisk AS) og Osland Settefisk AS. Konsernspiss er Eros Laks AS som eier 100 % av aksjene i Osland Havbruk, men som også er involvert i noen andre virksomheter.
by Osland | Apr 21, 2022 | Aktuelt, Osland Genetics, Osland Havbruk, Osland Settefisk, Team Osland
Osland styrker eiga satsing med å reindyrke eigen aurestamme
– Vi går tilbake til røtene våre, seier daglig leiar Erik Osland om at Osland no skal satse på aure aleine. Gjennom avlsarbeidet vårt har vi to aurestammer og svært god kunnskap om aure. Det er denne rogna vi no skal ta vidare gjennom heile produksjonen til mat.
Regnbogeaure
Det var regnbogeaure det starta med for snart 60 år sidan, og det er naturleg å satsa vidare på dette inn i framtida. Prosessen er alt i gong med å legge om produksjon frå laks til aure i alle ledd. Dette er ei endring som går gradvis og det vil framleis bli produsert laks ei stund til.
Ved å satse målretta på aure kan Osland jobbe for å bli gode og bli den leverandøren andre går til for aure. Dei blir stabile i marknaden og kan levere jamt veke etter veke i stadan for å veksle mellom aure og laks slik som i dag.
Kvalitet i alle ledd
Selskapet seier dei skal videreutvikle og heve den globale akvakulturnæringen, gjennom å bidra med kunnskap, avl, genetikk og teknologi. Målet er å anerkjenne den norske auren, både nasjonalt og internasjonalt.
Ny merkevare
Som ledd i strategien vart ny merkevare lansert for dei tilsette onsdag kveld. Osland skal no framstå som meir heilheitleg utad med felles logo og visuell profil for alle selskap. Heile vegen i «breed to feed».
Samtidig skal avlsselskapet Osland Stamfisk AS i løpet av sommaren skifte namn til Osland Genetics AS. – Vi er kanskje ikkje så store, men vi tenker stort. Marknaden vår er internasjonal så vi må heile tida utvikle oss for å følge med. Aure er ein robust, flott fisk og ikkje minst knakande god avsluttar Osland.
by Osland | Sep 25, 2020 | Aktuelt, Osland Genetics, Osland Havbruk, Osland Settefisk
Osland Havbruk: resultat på 88,31 mill. kr
Osland Havbruk AS rapporterer sitt driftsresultat på 88,31 mill. kr og 70,65 mill. kr etter skatt. Omsetninga til selskapet var 421,1 mill. kr.
- Resultatet for 2019 er eit resultat av god drift, kontroll på produksjonen og lite svinn.
- Gode førebyggande tiltak som har resultert i færre behandlingar mot lus. Lokalitetar som berre har vore gjennom 1-2 avlusingar på ein generasjon
- Vi er ein solid gjeng med tilsette som alle arbeider for felles mål.
- Gode samarbeid gjennom samdrift og nettverk som Salmon Group og Godfisken.
- Selskapet investerer i betre produksjonsfasilitetar som skal bidra til å sikre drift
Osland Havbruk sine dotterselskap er i god utvikling.
Osland Settefisk: ny hall viser att i rekneskapen
Kjetil Rørtveit og Erik Osland
Osland Settefisk AS rapporter sitt driftsresultat på 5,35 mill. kr med ordinært resultat på 522 801. Omsetninga til selskapet var 65,55 mill. kr. Selskapet har i 2019 ferdigstilt nytt produksjonsanlegg.
Osland Settefisk driv godt og kan no skreddarsy ein settefisk etter havbruket sine ynskje. Resultatet er prega av auka utgifter og store avskrivingar på det nye anlegget, og det vil ta nokon år før vi er i full produksjon
Osland Stamfisk: satsing på avl
Osland Stamfisk AS rapporterer sitt driftsresultat på -7,56 mill. kr, og -8,2 mill. kr etter skatt. Omsetninga til selskapet var 150,29 mill. kr. Selskapet er i oppbygging og har i heilhet overtatt utvikling av avlsmateriale for Osland konsernet.
Osland Stamfisk sitt resultat er prega av at vi er i ein oppbyggingsfase, der vi først om nokon år vil oppnå gode resultat når vi har fått bygd opp vår eigen avlskjerne. Selskapet overtok Ilsvåg-materiale ved utgangen av 2019, og skal utvikle avl på aure vidare med et solid utgangspunkt.
by Osland | Aug 20, 2019 | Aktuelt, Osland Havbruk
Fiskeoppdrettspioneren frå Bjordal nytta deltakinga på messa Aqua Nor i Trondheim til å kjøpe to nye Ecomerder. Desse vil om kort tid bli tatt i bruk på lokalitetar i Sognefjorden.
Osland Havbruk har dei siste ti åra tatt mange grep for å gjere selskapet meir bærekraftig, mellom anna gjennom produksjon av stor smolt på land og elektrifisering av forflåtar og bilpark. No tar selskapet med base i Bjordal nye steg inn i framtidas havbruk, og dagleg leiar og eigar Erik Osland fortel at investeringa i Ecomerder kjem som eit ledd i ei større satsing.
– Kjøpet av dei to nye Ecomerdene har samanheng med arbeidet vi alt har gjort innan settefisk. I dei moderne anlegga våre på Sørebø og på Hermansverk har vi svært god kontroll på produksjonen, og med postsmolt i Ecomerder på sjø vil vi også få meir kontroll der. Det vil gjere oss betre i stand til å produsere laks med ei planlagt slaktevekt tilpassa marknaden.
Erik Osland på standen til Ecomerden AS
Osland Havbruk kjøpte tidlegare i år ei Ecomerd på 22 000 m3 som har blitt nytta til å huse stamfisk ved lokaliteten Ura i Bjordal. Blant fordelane som Ecomerdene, som har ein lukka alumininiumskonstruksjon og tett dukpose, byr på er redusert dødlegheit og lusepåslag.
– Fiskevelferd er noko vi tar på største alvor, og med løfta vi har tatt på settefisksida dei seinare åra har smolten vår fått meir stabile forhold og betra vekstvilkår. No er vi i ferd med å gjere tilsvarande grep på sjø. Fisk som har det godt veks og godt, så det er definitivt i vår interesse å ta vare på dei maritime husdyra våre.
Dei to nye Ecomerdene som skal leverast til Osland Havbruk vil vere på 30 000 m3 kvar, og er med det dei største som til no har blitt produsert av selskapet Ecomerden AS. Merdene vil kunne produsere opp til fire millionar postsmolt i året. Når postsmolten har fått ei vekt på eitt kilo vil den bli flytta over i ordinære sjømerder.
– Vi er alltid på utkikk etter nye verktøy som kan hjelpe oss i arbeidet med å produsere ein smak av Sognefjorden på ein meir forutsigbar og bærekraftig måte, og i den samanhengen har vi stor tru på og alt gode erfaringar med Ecomerden. Dette er eit av fleire grep vi har tatt på området, men dette er eit forbetringsarbeid der ein aldri kjem heilt i mål, så vi kjem til å fortsetje med å sjå etter nye løysingar. Det skjer utruleg mykje spanande i næringa om dagen, og ein kan finne framtidsretta innovasjon nær sagt over alt. Vi i havbruksnæringa står samla i arbeidet om skape eit meir bærekraftig fiskeoppdrett, og er klare til å ta i bruk dei gode løysingane som blir lanserte.
by Osland | Oct 17, 2018 | Aktuelt, Osland Havbruk
Fredag 12. oktober skein sola over bygda og gradestokken synte mest 20 grader. Ei flott ramme for dåp av 2 nye båtar hjå Osland Havbruk.
Næringa utviklar seg, og vi treng stadig utviding og oppgradering av produksjonsutstyr, slik at vi kan sikre produksjonen og ha god biologisk kontroll. Med to nybygde båtar er vi godt rusta for framtida.
“Bjordal” og “Cornelia” til kai på Osland
“Cornelia”
“Cornelia”, levert av Moen Marin, er ein arbeidsbåt på 13,5 meter lengde og er 7,5 meter brei. Båten er rigga med kran som løfter 1 tonn på 31 meter lengde, og med ei maskin på 380 hk som gir ein marsjfart på 13,8 knop. Denne båten skal driftast av Osland Stamfisk og vil bli lokalisert i Sandeidfjord i Rogaland.
Namnet Cornelia tyder ansett/velansett. Gudmor Cornelia Øren Osland, som er fjerde generasjon Osland Havbruk, ynskte båt og mannskap hell og lykke på alle hav.
“Cornelia” på veg ut Fuglsetfjorden
“Bjordal”
“Bjordal”, bygd i Tyrkia i samarbeid med Norse Ship building. Dette er ein ny generasjon båt for Osland Havbruk. Ein arbeids-/sørvisbåt med stort arbeidsdekk, lugar og opphaldsrom med alle fasilitetar for mannskapet. Båten er 14,98 meter lang, 10,5 meter brei. To kraner, høvesvis 77 tonnmeter og 18 tonnmeter, to maskiner på 490 hester kvar. Båten er bygd i stål og er og rigga for ankehandtering.
Namnet Bjordal er historisk og har vore brukt i tidlegare tider på ein båt som var viktig for bygdene i kommunen. Gudmor Marta Brekke døypte båten og ynskte hell og lukke for mannskap og selskap.
